PROXECTO " DA  AULA A HORTA" TARTARUGAS E GRILOS

Neste segundo trimestre as aulas das Tartarugas e dos Grilos seguimos sementando as nosas haniloidades e contidos a través de vivenciar o ciclo das plantas e das flores. 

Para elo unha vez máis nos puxemos na pel de valiosos investigadores recopilando información e facendo o noso caderno científico. 

Como non todo é traballar tamén quixemos disfrutar do festival do entroido disfrazados sobre a temática do noso proxecto e disfrutamos un montón. 

Votade unha ollada:

PROXECTO "Ti si que sabes a mar". Participación das familias.

 Ola familias!

Xa estamos de novo por aquí. Nesta ocasión, Pipo tivo a sorte de viaxar ao fogar do caracol Sergio. 

Coa axuda da familia de Sergio aprenderon a importancia do coidado do medioambiente, sobre todo, do coidado do mar. Toda esa información levárona a aula, e grazas a eles os/as caracois son máis conscientes da importancia de coidar o fondo mariño. 

Sergio, o seu papá e a súa mamá foron a praia e recolleron lixo que atoparon mentres paseaban pola beira do mar. Trouxeron ese lixo a aula, e explicáronos, a través dun libro, o que lles ocorre aos animais mariños cando tiramos lixo o mar. 

Seguidamente, os caraois tiñan unha nova misión! Limpar un acuario que estaba cheo de lixo. A misión basábase en recoller o lixo cunhas pinzas e reciclalo na papeleira correspondente. Unha vez que remataron Sergio explicoulles o proceso de reciclaxe. 

Finalmente, como os caracois o fixeron tan ben Sergio deulles un carnet de aventureiro/a medioambiental. 

A continuación podedes visualizar as fotos da exposición e un vídeo no que Sergio relata o proceso de reciclaxe.

(preme na imaxe para acceder a galería de fotos)

Moitas grazas Sergio e familia por traer a aula tanto coñecemento.

Vémonos na seguinte andaina.

Unha aperta!

PROXECTO "Ti si que sabes a mar" Participación das familias

Prezadas familias!

Na semana do entroido tivemos a sorte de gozar da exposición da familia do caracol Vera.

Nesta ocasión, Vera e a súa mamá ensináronnos os animais mariños que están nas rocas. Mostránnos os animais que atoparon na praia de Bouzas, así como as esculturas que están expostas no paseo.

Por outra banda, no seu fogar deseñaron o xogo do memory sobre os animais mariños. Os caracois puxeron toda a súa atención en atopar as parexas de animais que son iguais. Pasárono xenial!

Agora temos ese xogo na aula para que os caracois poidan xogar cando estén no recanto do proxecto.

Finalmente, os caracois fixeron unha manualidade dun cangrexo, na que pegaron as patiñas, os ollos e debuxaron a súa boca. Qué fermosos quedaron! 

A continuación móstrovos algunhas fotiños que fixemos ese día.

(preme na imaxe para acceder a galería de fotos)

Moitas grazas pola vosa colaboración familias. Vémonos na seguinte andaina!  💓

Unha aperta!

ENTROIDO DAS TARTARUGAS E OS GRILOS

 Este ano, seguindo coa temática do noso proxecto anual da horta, no entroido os pequenos disfrazáronse de xardiñeiros e xardiñeiras.

Acompañados dos espantallos das mestras disfrutaron do día desfilando e bailando para as familias.

8 DE MARZO: DÍA DA MULLER TRABALLADORA

Este ano, a proposta do equipo de convivencia para o 8 de marzo foi deixar as nosa pegadas, AS PEGADAS DA IGUALDADE. Pois cando camiñamos xuntos, nenos e nenas, homes e mulleres, faremos un camiño máis bonito, máis xusto e con máis respecto. Por iso cada neno decorou a súa pegada e nela escribiron mensaxes ou debuxos pola igualdade de xénero. 

Con todas elas creamos un camiño de igualdade porque pasiño a pasiño, faise o camiño. 

Ademais en Infantil fixemos outras cousiñas para seguir traballando o tema: 

O alumnado de 3 e 4 anos sementando igualdade creando un “Xardín da Igualdade” chea de flores feitas coas súas propias mans. 

Pola súa parte, os nenos e nenas de 5 anos falaron sobre as mulleres máis importantes das súas vidas: mamás, avoas, irmás, mestras… e contaron por que son importantes para eles. 

Seguimos sementando igualdade!

O ENTROIDO DAS XIRAFAS E DOS ELEFANTES

Este curso, os nenos e nenas de 3 anos convertéronse en animais da sabana africana. Entre risas e música, apareceron elefantes e as xirafas de longos pescozos que desfilaron para as familias por primeira vez abrindo o desfile do colexio. 

Con moita ilusión, mostraron os seus disfraces cheo de cores e manchas divertidas. Xogaron a camiñar como os elefantes, a bailar como as xirafas e a desfrutar desta gran festa. Deixamos as fotos  dese día a modo de postais.

Desfilamos ao ritmo da música: "El elefantes y la jirafa amigos de verdad"

Aproveitamos a temática do proxecto da Sabana Africana para coñecer ao Rei da Selva, ao león, a partir do libro "A máscara do león" converténdonos en leóns cunhas fermosas melenas. Aprendimos a canción de Almudena Janeiro sobre o conto. 

     

E fixemos unhas máscaras de elefantes e xirafas:

     

PROXECTO: "Ti si que sabes a mar": participación das familias.

 Prezadas familias!

Comezamos unha nova actividade que lle da vida ao noso proxecto de aula, sendo as familias as protagonistas desta nova andaina. 

A familia da formiga Mario, viu a nosa aula para presentarnos a súa investigación sobre o mar.

Cheos de creatividade, Mario e a súa familia fixéronnos unha presentación sobre o fondo mariño, os animais acuáticos e contaminación do mesmo, facendo fincapé na importancia da reciclaxe para paliar os efectos da mesma. 

A continuación, podedes ver a información que compartiron connosco Mario e a súa familia e coa que aprendimos moitísimo sobre o noso MAR! 

(preme na imaxe para acceder ao documento)

Seguimos cun xogo por equipos: O XOGO DO RECICLAXE. Composto por dúas rondas: a primeira cun "Trivial Mariño" e a segunda co "Recicla Amigo", gozando dun momento de xogo compartido xenial: ENCANTOUNOS! Para rematar, Mario agasallounos cun debuxo para colorear dun fondo mariño: GRAZAS!

(preme na imaxe para acceder ao xogo)

Moitas grazas Mario e familia por compartir este momento de aprendizaxe e xogo con nós!

(preme na imaxe para acceder a galería de fotos)

Vémonos na seguinte participación familias!