SEMANA DE NADAL

 Durante a última semana antes do Nadal tivemos moitas actividades para os nosos nenos e nenas de infantil. 

Realizamos diferentes actividades e propostas de Nadal:

           

O luns fixemos a nosa primeira saída polo barrio para ir a levar as pois que elaboramos ao buzón  e aproveitamos o bo tempo para facer unha parada no parque e desfrutar dun ratiño de xogo cos amig@s.

O martes asistimos ao contacontos "Cando Martiño tivo ganas de mexar na noite de Reis", desfrutamos moito  da obra. 

O mércores participamos nuns obradoiros interniveis xunto co alumnado de 4 e 5 anos: obradoiro de galletas, de adornos, disfraces, photocall e pintacaras e baile e karaoke. Pasámolo en grande!

O xoves desfrutamos dunha rica chocolata.

E o venres da visita de Papá Noel, merendola e festa de Fin de Ano con badaladas.

FELICES FESTAS!!

AULA SENSORIAL

 A aula sensorial do noso centro é un espazo máxico para todos os nenos e nenas xa que poden explorar o mundo a través dos seus sentidos. Fálase xa de 8 sentidos e non cinco cos que podemos traballar ademais da vista, oído, gusto, olfacto e tacto, incluímos a propiocepción (percepción corporal), o sistema  vestibular (equilibrio e movemento) e a interocepción (percepción interna).

Convertíndose esta aula en moito máis que un espazo de xogo, un laboratorio onde os sentidos se desenvolveb e conectan coa aprendizaxe. 

   

A arte en vertical é unha actividade sinxela pero chea de beneficios para o desenvolvemento infantil. Pintar de pé nun atril ou cun cordel do que penduran papeis, transforma unha tarefa común nunha experiencia única e se ademais lle engadimos a luz negra convertimos a proposta nunha actividade máxica para os nenos e nenas. 

25-N: DÍA CONTRA A ELIMINACIÓN DA VIOLENCIA DE XÉNERO

O 25 de novembro celebramos no centro o día contra a eliminación da violencia de xénero enfocando o tema na igualdade e o respeto entre as persoas. 

Durante a semana previa a celebración todo o centro plasmou un logotipo creado con IA nunha camiseta branca que logo utilizamos o 25-N no acto no que o alumnado de 4º leu un manifesto e cantamos a canción de Aitana "Ni una más". 

Rematamos o día coa colocación de tiras moradas nas verxas do centro con mensaxes de respeto e non violencia. 

CORRE CORRE, CABACIÑA

Nas aulas de 3 anos, as Xirafas e os Elefantes estivemos a traballar ao redor dun conto moi especial: Corre, corre, cabaciña, unha historia que inspirou aos máis pequenos/as a participar en diferentes actividades creativas e educativas. Encántanos ver como cada neno e nena se mergulla no mundo deste conto, gozando e aprendendo a través de diferentes actividades:

1. Arte e plástica: creación da nosa cabaza

Entramos de cheo no conto creando as nosas propias cabazas. Cada neno e nena deseñou a súa cabaza especial para agocharse das “feras”, igual que na historia. Esta actividade non só estimulou a súa creatividade, senón que tamén reforzou a motricidade fina ao usar diferentes materiais e técnicas plásticas.

          

                              Aula das Xirafas                                              Aula dos Elefantes

2. Beebot: Programación e robótica

Introducimos aos nenos/as no mundo da robótica e a programación coa axuda do noso amigo Beebot. A través desta actividade, os nenos/as programaron ao robot para moverse pola historia do conto, traballando así habilidades como o pensamento lóxico e a orientación espacial.

  

                               Aula das Xirafas                           Aula dos Elefantes

 

3. Teatro: Dramatización do conto

Como colofón final e coa axuda das mestras, os pequenos/as gozaron dunha divertida dramatización do conto. Foi unha experiencia chea de emoción e risas! As mestras interpretaron os personaxes e a biblioteca encheuse de ilusión.

Teatro "Corre corre, cabaciña" para todas as aulas de Infantil

SAMAÍN EN INFANTIL

Nas semanas previas a Samaín preparamos diferentes actividades e propostas na nosa aula para que o alumnado gozase desta tradición galega. 

1. Propostas de Samaín:

Traballamos a motricidade fina, numeración, seriacións e trazo coas propostas de Samaín.

                        

                                Aula das Xirafas                            Aula dos Elefantes

2. Apócemas: 

Empregando diferentes ingredientes como moco de sapo, baba de serpe e po de óso fixemos apócemas máxicas  coas que quedamos abraiados/as. 

                     

                                 Aula das Xirafas                                       Aula dos Elefantes

3. Contos con lanternas:

Dende a Biblioteca da Maga Tomasa propúxose ao alumnado traer as súas lanternas para alumear os contos na hora de ler. 

                                 Aula das Xirafas                                     Aula dos Elefantes

 

4. Merendas de Samaín e disfraces: fixemos unha merenda conxunta para desfrutar dos momentos cos compañeiros e compañeiras e ver os disfraces de todos eles/elas. 

Aula das Xirafas e dos Elefantes

Aula das Xirafas                                                   Aula dos Elefantes

Foi un pracer ver como cada un dos nenos/as participou activamente nestas actividades, gozando e aprendendo

ao mesmo tempo.

CONTACONTOS

 Esta última semana de clase estamos desfrutando do pouquiño que nos queda na etapa de infantil. Como despedida as mestras de Xoaniñas e Bolboretas prepararon uns contacontos moi divertidos.

Comezamos o luns co conto "O PIRATA PATA DE LATA". Ao finalizar o conto descubrimos o tesouro que agochaba estas piratas, deliciosas moedas de chocolate.

E o martes co conto "OS PETOS DE LORETO", unha simpática Loreto que viu cargada de cousas nos seus petos. Tamén traía globos e xoaniñas de chocolate. Foi moi moi divertivo. Parecíase un pouquiño a profe maite. 

Podedes picar nas imaxes para ver as fotos e os vídeos

LAPBOOK DO CIRCO DOS SORRISOS

Para recopilar todo o aprendido sobre o circo os nenos e nenas de 5 anos elaboramos un lapbook no que se recollen algunhas das actividades que fixemos sobre o proxecto do Circo dos Sorrisos. 

Esta forma de presentación é moito máis dinámica e atractiva para o alumando, que fixeron auténticas marabillas. 

Podedes ver o proceso de elaboración do mesmos picando nas seguintes imaxes. Nel levan:

- Tarxetas cos personaxes máis característicos do circo,

- Un sombreiro do mago con sorpresa e do que sae un coello branco feito por cada neno/a

- Tarxetas chea de flocos de millo e un rotulador borrable, nas que teñen que completar con números veciños.

- Tarxetas que levan un código QR e no que aparecen os diferentes artistas traballados e os vídeos que visionamos para coñecelos mellor.