PROXECTO: PEGADAS DA SABANA

A familia de Estrella elaborou un libro interactivo e en papel cos animais da Sabana. Un libro que convida a explorar xa que poden manipular as peles dos animais con diferentes texturas e xogar a formar o seu nome con letras móbiles. 

PROXECTO: PEGADAS DA SABANA

Seguimos avanzando na investigación do noso proxecto grazas en parte ás achegas das familias con diferentes materiais e recursos.

Xuntos, construímos un ambiente de descubrimento e aprendizaxe, onde cada aportación suma.

Moitas grazas por formar parte deste proxecto!

                                 

                                          Aula das Xirafas                               Aula dos Elefantes

PROXECTO: PEGADAS DA SABANA

Co noso proxecto "As pegadas da sabana", seguimos descubrindo cousas marabillosas. Fixemos unha gran viaxe polo mapa do mundo ata atopar o lugar onde se atopan as pegadas que estamos seguindo: África!

Localizamos o continente no mapa e descubrimos que é un lugar enorme. Descubrimos que en África hai tres grandes ecosistemas que o dividen e o caracterizan:

- O deserto, como o Sáhara, con moita area, calor e poucos animais.

- A sabana, con herba alta, árbores espalladas e moitos mamíferos, como os que estamos investigando.

- A selva, con moita vexetación, choiva e animais escondidos entre as follas.

Falamos das diferenzas entre eles, que animais viven en cada un e como se adaptan aos seus hábitats. 

Centrándonos na Sabana, imos coñecendo os animais que a habitan, como son, como se desprazan, que comen e como é a súa pelaxe. Aprendemos que moitos deles teñen o corpo adaptado para sobrevivir ás altas temperaturas e á vida en liberdade. A xirafa, o elefante,  cebra… cada un deles gardan segredos marabillosos que estamos a  investigar!

Para plasmar todo o que imos aprendendo, estamos a recrear estes animais en papel, utilizando materiais diversos e texturas diferentes para representar a súa pel: papel rugoso para a pel engurrada do elefante, papel con raias para a cebra, anacos de papel para as manchas da xirafa… 

              

                              Aula das Xirafas                                            Aula dos Elefantes 

PROXECTO: PEGADAS DA SABANA

Durante o segundo trimestre comezamos coa investigación do proxecto preguntándonos que sabemos? e que queremos saber da Sabana?

Como sabedes todo comezou cunha visita de dúas exploradoras cheas de recordos da súa viaxe, nas súas postais ver animais fascinantes e paisaxes sorprendentes, pero houbo algo que nos chamou moito a atención: unha montaña que aparecía ao fondo das imaxes.

Que será esa montaña? Onde está? Por que ten neve na cumbre? Como se formou? É máis grande ou máis pequeno que o monte Kenia no que Wangari plantou tantas árbores?...

E así, sen decatarnos, comezamos a investigar sobre a montaña do Kilimanjaro, descubrindo que se trata dun volcán durmido!

Aprendemos que os volcáns poden estar activos ou durmidos, e que nalgún momento poden “espertaaar!” e comezar a botar lava e fume. 

Para entender mellor como funciona un volcán, fixemos un experimento moi emocionante: fixemos unha erupción cun pouco de vinagre, bicarbonato e moita ilusión!

Logo recreamos con barro os nosos propios volcáns.

            

                            Aula das Xirafas                                         Aula dos Elefantes 

PROXECTO: "Ti si que sabes a mar". Participación das familias.

 Ola familias!

Pipo esta vez viaxou a casa do caracol Leo, onde investigaron, coa axuda da súa familia, un montón de cousas sobre as medusas. Pareceunos moi interesante!

                                              

Para aprender moitas cousas sobre as medusas, e para velas en vivo e en directo, Leo foi ca súa familia ao acuario de A Coruña. Alí mercaron unha medusa de xoguete que tiña a mesma textura que unha medusa de verdade. Ademais, se a mollabas resbalaba moitísimo! Era imposible collela. Foi divertidísimo.

Por otra banda, Leo, o seu pai e a súa nai fixeron un caderno sobre as curiosidades das medusas. Aprendimos curiosidades sobre elas, como por exemplo que unha medusa chámase ovo frito, algunhas son de moitas cores, outras brillan, outras son enormes e outras moi pequenas... Agora temos ese caderno na aula para poder visualizalo sempre que queiramos. Encántanos ter ese recurso na aula. GRAZAS!

Finalmente, os caracois fixeron unha manualidade dunha medusa. Quedou fermosa! Primeiro botaron cola, nunha cartulina negra, facendo forma de medusa, esparciron sal de moitas cores, derónlle a volta a cartulina, e.... TACHÁN! xa temos un cuadro dunha medusa fermosa.

Moitas grazas Leo e familia por traer tanto aprendizaxe a aula 💓

                                        (preme na imaxe para acceder a galería de fotos)

Vémonos na seguinte investigación!

Unha aperta 💓

PROXECTO: "Ti si que sabes a mar". Participación das familias.

 Ola familias! 

Seguimos coa participación das familias no proxecto de aula. Éste semana, contamos coa participación de Raúl e a súa familia que fixeron unha ampla investigación sobre as Rías que conforman a costa galega, afondando na nosa: A Ría de Vigo. Coñecemos os cabos e golfos que forman a paisaxe das nosa costa, así como os animais mariños mais característicos.

(pincha na imaxe para acceder a galería de fotos)

A través dun "experimento" aprendimos como a auga forma o relevo costeiro. A continuación, e a través dun "xogo de pistas", as formigas tivemos que averiguar o animal mariño que se agochaba tras as pistas. Cando o averiguábamos, tiñamos que colocar a tarxeta co seu nome ao carón do seu debuxo, formando un GRAN mural que acolle todas as aprendizaxes feitas: ENCANTOUNOS!

Para rematar, Raúl e a súa familia, agasalláronnos o xogo de pistas co mural para a aula: GRAZAS!

          

Moitas grazas Raúl e familia por aprendernos sobre a oceanografía das rías!

Vémonos na seguinte participación familias! 

PROXECTO "Ti si que sabes a mar". Participación das familias.

Ola familias!

Pipo tivo a gran sorte de viaxar a un novo fogar. Ao fogar do caracol Iago ❤️

Puidemos desfrutar da compañía da familia de Iago, a cal viu cargada de sorpresas.

Iago, a súa irmá, o seu pai e a súa nai contáronnos un montón de curiosidades sobre os polbos. Aprendimos moitas cousas sobre este animal mariño.

Cando remataron a exposición da súa investigación chegou a nosa aula un buzo!! Así como ledes, entrou na aula Diego, un home que se sumerxe nas profundidades mariñas para observar a través dos seus ollos todo o que habita nese lugar. 

Para acercarnos un pouquiño a súa realidade grabou un vídeo do fondo mariño. Encantounos! 

Puidemos ver manta raias, anémonas, calamares, estrelas de mar… ata vimos un coche abandoado! Foi alucinante. Grazas Diego! 

Se queredes visualizar o vídeo so tedes que facer clic enriba da seguinte fotografía.

Finalmente, para por a guinda a esta actividade fixemos unha manualidade dun polbo. Encantounos!

                                            (preme na imaxe para acceder a galería de fotos)

Isto é todo por hoxe...

Unha aperta!

PROXECTO: "Ti si que sabes a mar". Participación das familias.

Ola familias! 

Seguimos coa participación das familias no proxecto da aula. Nesta ocasión, a formiga Ama estivo con André e a súa familia investigando sobre as zonas do fondo mariño e os animais que nelas habitan.  

(pincha na imaxe para acceder a galería de fotos)

Coa axuda dun submarino pilotado por Ama, e xunto a participación de tódalas formigas, fomos descubrindo as diferentes zonas do noso fondo mariño segundo entra o sol nelas, así como os peixes que nelas habitan, ata chegar a parte máis profunda do mar, onde atopamos o "peixe abisal" ou "peixe lanterna": ENCANTOUNOS! Nun mural xigante, cada formiga foi colocando os animais mariños correspondentes da zona segundo o submarino baixaba.

 Para rematar, a André e a súa familia, agasalláronnos o mural para xogar na aula: GRAZAS!

 

Moitas grazas André e familia por aprendernos sobre as zonas do fondo mariño e os animais que nelas habitan!

 

Vémonos na seguinte participación familias! 

PROXECTO "Ti si que sabes a mar". Participación das familias.

 Prezadas familias,

aquí estamos unha semana máis para presentar a andaina dun novo caracol en compañía de Pipo. Ela é Sara!

Sara e a súa familia investigaron sobre as baleas. Canto aprendimos grazas a eles!

Sara contounos datos moi curiosos sobre as baleas, como por exemplo que non teñen dentes, se non barbas. Comentounos canto poden medir as baleas, e decatámonos que son xigantes! 

Sara ensinounos imaxes do que comen as baleas, uns peixiños moi pequenos, diminutos, chamados krill.

Por outra banda, grazas a Sara soubemos que dentro do Museo do Mar de Vigo hai un espazo destinado as baleas. Sara puido ver un esqueleto de balea!! E tivo a gran sorte de poder tocar as barbas dunha balea.

Finalmente, Sara, a súa nai e o seu pai ensináronnos a facer un gorro con forma de balea. Quedaron todos fermosos!

                                                   (preme na imaxe para acceder a galería de fotos)

Moitas grazas a Sara e a súa familia por ensinarnos tantas cousas, e sobre todo por deixar na nosa aula a súa pegada 💓

Vémonos pronto,

unha aperta!

 PROXECTO " DA  AULA A HORTA" TARTARUGAS E GRILOS

Neste segundo trimestre as aulas das Tartarugas e dos Grilos seguimos sementando as nosas haniloidades e contidos a través de vivenciar o ciclo das plantas e das flores. 

Para elo unha vez máis nos puxemos na pel de valiosos investigadores recopilando información e facendo o noso caderno científico. 

Como non todo é traballar tamén quixemos disfrutar do festival do entroido disfrazados sobre a temática do noso proxecto e disfrutamos un montón. 

Votade unha ollada:

PROXECTO "Ti si que sabes a mar". Participación das familias.

 Ola familias!

Xa estamos de novo por aquí. Nesta ocasión, Pipo tivo a sorte de viaxar ao fogar do caracol Sergio. 

Coa axuda da familia de Sergio aprenderon a importancia do coidado do medioambiente, sobre todo, do coidado do mar. Toda esa información levárona a aula, e grazas a eles os/as caracois son máis conscientes da importancia de coidar o fondo mariño. 

Sergio, o seu papá e a súa mamá foron a praia e recolleron lixo que atoparon mentres paseaban pola beira do mar. Trouxeron ese lixo a aula, e explicáronos, a través dun libro, o que lles ocorre aos animais mariños cando tiramos lixo o mar. 

Seguidamente, os caraois tiñan unha nova misión! Limpar un acuario que estaba cheo de lixo. A misión basábase en recoller o lixo cunhas pinzas e reciclalo na papeleira correspondente. Unha vez que remataron Sergio explicoulles o proceso de reciclaxe. 

Finalmente, como os caracois o fixeron tan ben Sergio deulles un carnet de aventureiro/a medioambiental. 

A continuación podedes visualizar as fotos da exposición e un vídeo no que Sergio relata o proceso de reciclaxe.

(preme na imaxe para acceder a galería de fotos)

Moitas grazas Sergio e familia por traer a aula tanto coñecemento.

Vémonos na seguinte andaina.

Unha aperta!

PROXECTO "Ti si que sabes a mar" Participación das familias

Prezadas familias!

Na semana do entroido tivemos a sorte de gozar da exposición da familia do caracol Vera.

Nesta ocasión, Vera e a súa mamá ensináronnos os animais mariños que están nas rocas. Mostránnos os animais que atoparon na praia de Bouzas, así como as esculturas que están expostas no paseo.

Por outra banda, no seu fogar deseñaron o xogo do memory sobre os animais mariños. Os caracois puxeron toda a súa atención en atopar as parexas de animais que son iguais. Pasárono xenial!

Agora temos ese xogo na aula para que os caracois poidan xogar cando estén no recanto do proxecto.

Finalmente, os caracois fixeron unha manualidade dun cangrexo, na que pegaron as patiñas, os ollos e debuxaron a súa boca. Qué fermosos quedaron! 

A continuación móstrovos algunhas fotiños que fixemos ese día.

(preme na imaxe para acceder a galería de fotos)

Moitas grazas pola vosa colaboración familias. Vémonos na seguinte andaina!  💓

Unha aperta!

ENTROIDO DAS TARTARUGAS E OS GRILOS

 Este ano, seguindo coa temática do noso proxecto anual da horta, no entroido os pequenos disfrazáronse de xardiñeiros e xardiñeiras.

Acompañados dos espantallos das mestras disfrutaron do día desfilando e bailando para as familias.