DOCUMENTACIÓN 2º TRIMESTRE 5 ANOS A

 Ola familias!!

Aquí tedes un pequeno resumo do noso segundo trimestre, onde podedes coñecer un pouquiño máis a realidade da nosa aula.

                       1.XOGO POR RECANTOS E PROPOSTAS DE APRENDIZAXE:

Como sabedes, o equipo de educación infantil non entende outra forma de aprender que a través do xogo, por iso, a circulación libre por recantos, é a base da nosa metodoloxía.

Además do xogo por recantos, este trimestre, contamos con diferentes propostas de aprendizaxe relacionadas co centro de interese do inverno:

                                            2.PROGRAMA COMUNICARNOS:

Seguimos traballando co programa "Comunicarnos", mediante o cal traballamos aspectos relacionados coa conciencia fonémica, conciencia silábica, conciencia léxica, memoria auditiva... Todos estes aspectos son fundamentais para o desenvolvemento da linguaxe oral e o futuro aprendizaxe da lectura e escritura.

                                                 3.ACTIVIDADES NA HORTA

Canto aprendemos e gozamos cas actividades que facemos con Uxía na horta!!

                                                 4.conmemoracións

Conmemoramos datas tan importantes como o "Día da Paz", onde fixemos un acto conxunto todo o colexio e traballamos esta data mediante o conto "El nacimiento del dragón". Tamén falamos dunha autora tan importante como Rosalía de Castro, fixemos un puzzle xigante co seu rostro e o decoramos. E por último, traballamos  "O día da Muller Traballadora", coñecendo a historia de varias mulleres: Celia Rivas (a primeira condutora de camións), Marcela e Elisa (a primeira voda entre mulleres), Irene Gónzalez (a primeira futbolista nun equipo masculino) e Ángeles Alvariño (a primeira científica nun buque de investigación internacional). Fomos os encargados e encargadas de facer un mural para Educación Infantil e Primaria. Quedounos moi bonito!!

Polo Día da Muller tamén fixemos un pequeno vídeo falando das nosas mulleres máis importantes.

                                                            Acceso ao video facendo clic na imaxe 

  5.ENTROIDO

Como cada ano, chegou unha das festas máis esperadas, O ENTROIDO!!! Que ben o pasamos :)

 Acceso ao albúm facendo clic na imaxe

                                                             6.SAÍDAS

Neste segundo trimestre fixemos unha saída ao museo do mar para aprender un pouquiño máis sobre a prehistoria.

                                                    Acceso ao video facendo clic na imaxe 
 

                                                  7.LÓXICO-MATEMÁTICA

Este trimestre seguimos a traballar en desdobre coa profe Laura conceptos lóxico matemáticos, todo manipulativo e a través do xogo continuamos a avanzar en conceptos que implican o coñecemento e uso dos números, así como habilidades coma o conteo ou as equivalencias. Rutinariamente facemos actividades en gran grupo nas que todos participamos, pero en ocasións prepáranse diferentes estacións de aprendizaxe.

8.PSICOMOTRICIDADE

Ademáis de continuar con actividades que potencien o dominio do seu propio corpo, o equilibrio, estructuración espacial, coordinación.... (ENCÁNTALLES FACER CIRCUITOS E INVENTALOS), tamén tivemos tempo para coñecer moitos xogos populares que seguro as familias recoñeceredes, polo que ademáis de aproximalos a cultura popular, traballamos o coñecemento e aceptación das normas dos distintos xogos.

9.MÚSICA

Neste trimestre traballamos con diferentes contos musicais, aprendimos as cancións e puxémoslle ritmo con instrumentos. Tamén xogos de emparrellarse según un son que acordáramos para cada un, xogo das estatuas con diferentes temáticas, bailes por parellas e iniciámonos na escoita atenta de melodías que incitan diferentes sensacións.

10.VALORES

Tras rematar o traballo sobre os contos de “Yo voy conmigo” e “Vacío”, comezamos a facer dinámicas de convivencia a partir do conto “El árbol de la amistad”. Os obxectivos principais que estamos a traballar están relacionados coa formación de relacións sociais positivas entre os neno/as do grupo e os compañeiros/as das outras aulas, xa que a nosa árbore da amizade tan só medrará con agarimo e palabras bonitas.

Seguimos traballando no proxecto, coñecendo as nosas emocións, traballando as letras a través do conto ABZOO, e moitas cousiñas máis que veredes ao final de curso...de momento ata aquí!!😊

Felices vacacións!!!!

DOCUMENTACIÓN 2º TRIMESTRE AULAS 4 ANOS (XOANIÑAS E BOLBORETAS)

Neste segundo trimestre a documentacón das aulas de 4 anos está enfocada ao noso proxecto da Prehistoria, o cal non sería posible sen a colaboración das nosas familias (lembrade clicar nas imaxes para ver todas as fotos):

MATERIAIS APORTADOS POLAS FAMILIAS

A partir destes e doutros materiais que van aparecendo na aula é cando xorde o interese dos cativos/as sobre a temática que estamos a traballar na aula. 

4 ANOS A

4 ANOS B

RECANTO DO PROXECTO

Con todos eses materiais créase o "recanto do proxecto" ao cal os nenos/as acuden libremente para investigar, descubrir, sacar conclusións... sobre o tema a traballar.

4 ANOS A 

4 ANOS B

PROPOSTAS DE XOGO E APRENDIZAXE

Como xa sabedes, as propostas de xogo e aprendizaxe son unha boa ferramenta para conectar aos cativos/as coas súas habilidades e potenciar os diferentes ámbitos de aprendizaxe. Neste segundo trimestre unha gran maioría das propostas estiveron relacionadas coa temática do proxecto.

4 ANOS A

4 ANOS B

EVOLUCIÓN DO HOME

Para iniciar o proxecto investigamos cos nenos e nenas sobre os nosos antepasados e a evolución do home ao longo do tempo.

4 ANOS A

4 ANOS B

ETAPAS DA PREHISTORIA

A través de tarxetas de imaxes e palabras distribuidas en diferentes sobres que se corresponden coas etapas da Prehistoria os nenos e nenas descubriron os acontecementos que marcaron cada unha desas etapas.

4 ANOS A

4 ANOS B

 DOSSIER SOBRE A PREHISTORIA

Coa elaboración de diferentes láminas desenvolvimos aspectos como a expresión artística, a lectoescrituta, a creatividade... ao mesmo tempo que se traballan diferentes contidos relacionados coa Prehistoria.

4 ANOS A

                            

4 ANOS B

OBRADOIROS PREHISTÓRICOS

Para aprender e vivenciar todo o que estamos aprendendo sobre a etapa da Prehistoria organizamos diferentes obradoiros que permitíronnos entender mellor cómo eran os homes e mulleres de esa época, as súas costumes e formas de vida.

Algúns dos talleres/actividades que fixemos coa axuda das familias foron as pinturas rupestres, o proceso de elaboración do lume, a construción dunha vivenda prehistórica, os cultivos...

4 ANOS A

4 ANOS B

Unha vez máis é preciso salientar que, para o correcto desenvolvemento dun proxecto, a colaboración das familias dentro da aula convértese nun aspecto fundamental para que o éxito estea asegurado.

GRAZAS POLA VOSA COLABORACIÓN!

 

DÍA DA POESÍA (XOANIÑAS E BOLBORETAS)

Grazas as familias de 4 anos por participar neste día tan importante e formar parte dunha experiencia tan gratificante.

O PERIOLÍTICO DA MULLER

Con  motivo da Semana da Prensa e do día da muller traballadora fixemos no noso bloc unha actividade  na que unimos as dúas conmemoracións xunto co noso proxecto da prehistoria. Convertímonos en periodistas por unha semana e publicamos no noso Periolítico da Muller un retrato das mulleres máis importantes das nosas vidas: avóas, primas, irmás, madriña, mestras... cada un elixiu a que quería retratar, e quedaron unhas publicacións moi lindas.

4 ANOS A

4 ANOS B

SAÍDA AO MUSEO DO MAR

E por fin chegou o día da saída ao Museo do Mar! Foi unha actividade moi completa onde puidemos coñecer a Mariñona, unha nena que vivía na Prehistoria e a través da cal descubrimos onde vivía, como se vestía, como facía o lume para quentarse, de que se alimentaba... Ademais, elaboramos a nosa cunca de cerámica, un descubrimento moi importante da Prehistoria que permitiu o transporte de líquidos e sementes.

                             4 ANOS A                                                                   4 ANOS B

ENTROIDO PREHISTORIA

E para rematar a festa do Entroido non podía faltar a temática do noso proxecto nos nosos disfraces. Foi unha mañá moi prehistórica!

 
                      

                           4 ANOS A                                                              4 ANOS B

SEMANA DO ENTROIDO

Durante a semana de ENTROIDO os nenos e nenas de 4 anos compartiron as ordes do Meco e os seus mellores disfraces, levando a cabo tamén diferentes propostas relacionadas co tema dentro da aula.

   
                           

                            4 ANOS A                                                      4 ANOS B