OBRADOIROS MÁXICOS DE NADAL

Este Nadal vivimos unha experiencia chea de ilusión, creatividade e maxia cos nosos Obradoiros Máxicos, unha proposta pensada para gozar do Nadal a través do xogo, a imaxinación e a convivencia entre o alumnado dos diferentes niveis de infantil.

Nestes obradoiros interniveis e rotativos o alumanado disfrutou de diferentes actividades:

-  Un contacontos moi especial baseado no libro "El encargo más difícil de los Reyes Magos", que nos convidou a reflexionar sobre o verdadeiro significado dos agasallos e os valores do Nadal. A narración estivo acompañada dunha posta en escena máxica, con capa de mago, sombrero xigante e a aparición inesperada dun coelliño branco que encheu o espazo de sorpresa e ilusión.

- Pintacaras de Nadal, para transformarse en personaxes máxicos, elfos, estrelas, Papá Noel...

- Baile e disfraces, un espazo de expresión corporal, música e xogo simbólico.
- Obradoiro de adorno de Nadal, onde cada nena e neno puido crear a súa propia decoración cunha bóla de Nadal, fomentando a creatividade e a motricidade fina.

(Pica na imaxe para abrir a galería)

Estes obradoiros permitiron que todo o alumando participase en cada proposta, creando un ambiente de colaboración, respecto e diversión.

Unha xornada máxica que nos lembrou que o mellor regalo dos Reis Magos é o tempo compartido, o xogo e as experiencias que quedan na memoria.

Celebramos o Samaín cun día cheo de maxia, contos e tradicións

O 30 de outubro o noso centro encheuse de misterio, ilusión e moita maxia coa celebración do Samaín, unha das festas máis especiais do outono. Foi unha xornada chea de actividades nas que o alumnado gozou, aprendeu e participou con moita ilusión.

Realizamos unha exposición de froitos de outono, onde coñecemos e observamos cabazas, castañas, noces, mazás e outros produtos típicos desta estación. Foi unha maneira estupenda de achegarnos á natureza e ás tradicións propias destas datas.

Outro dos momentos máis agardados foi o concurso de personaxes típicos do Samaín, no que se puxo en valor a imaxinación, o esforzo e o coñecemento da nosa cultura popular. Todos os participantes fixeron un gran traballo!

Ao longo do día tamén tivemos tempo para as lecturas de Samaín, con contos cheos de misterio (pero sempre adaptados aos máis pequenos), que espertaron a curiosidade e a atención do alumnado.

Ademais, contamos cunha visita moi especial: o alumnado da ESAD, que nos agasallou cun fantástico contacontos, facendo que os nenos e nenas viaxasen a través das historias, das voces e das emocións.

Para rematar, volvemos gozar cun desfile final de disfraces, pechando así un día inesquecible cheo de sorrisos, aprendizaxes e tradición.

Foi unha celebración marabillosa na que o Samaín cobrou vida no noso centro. Grazas a todos e todas por facelo posible!