Prezadas familias,
Durante as últimas semanas estivemos aprendendo cousas novas sobre a festa do Samaín. Fixemos diferentes propostas de actividades nas que traballamos a numeración, seriacións, lectoescritura, motricidade fina, arte...
Trouxemos as cabazas que preparamos coas nosas familias e fixemos unha exposición de cabazas.
Tamén aproveitamos para traballar a emoción do MEDO a partir do cadro O grito de Edward Munch a partir do cal fixemos a nosa propia representación no caderno de arte á que acompañamos co poema "Noite de Samaín".
Pero o máis divertido con diferencia foi a festa de Samaín no cole, á que fomos disfrazados daquilo que máis nos gustaba e puidemos compartir cos nosos compañeiros as nosas merendas monstruosas.
Ningún comentario:
Publicar un comentario